‏انا مملك من خمس شهور اول ماكلمتني كانت أسعد ايام حياتي متفهمة عاقلة أمور كثيرة أعجبتني ، كانت حريصة على وصلي وهي الي تبادر كنت مرتاح جدا جدا جدا بعدها تغيرت علي حيل . تعصب وتزعل إذا دقيت عليها وكانت خارج المنزل إلى أن وصلت الان تطنيش في وسائل التواصل اشوفها تفتح سناب اختي وانا مراسلها من يومين لم تفتح الرسالة ماترد بالساهل تتعذر انها مشغولة واشوف سناباتها فاضية وماعندها شي مرات اكون ماكلمتني اليوم كله وهي تقول مشغولة شوي ويوم جاء آخر الليل ارسلتلي تعبانة أبنام!! طبعا من غير الجفاف العاطفي ماتقول كلمة حلوة اترجاها وترفض واشوف سنابها وتويتر تكتب لصاحباتها اعشقك واحبك وكلام حلو!! مدري وش اسوي انا شخص غيور جدا وعلمتني بموضوع الخصوصية انو ماتحب الي يفتش الجوال وهذا شي خاص فيها لن تسمحلي ابدا عندها بلاك اقولها ا ضيفيني ترفض انستقرام ترفض . في تويتر عملت حساب جديد لي ويوم بحثت طلع لها حساب قديم وتضيف رجال وتسولف معهم ويوم واجهتها تقول لي أعطيته اختي ومو عيب اسولف مع رجال بالأدب وعلى العام المشكلة انها اول شي علقتني واتخيل حياتي بدونها ولاشي والله يصير بي شي بنفس الوقت معاملتها لي ماترضيني ياما عاتبتها وصارحتها تقلب الحق علي وتزعل . خطر لي انها لاتريدني أو في علاقة بحياتها غيري ، وكانت تخبرني بعض المواقف الجريئة جدا في حياتها من اول اسبوع مكالمات انو في بنت تحرشت فيها بالجامعة وانو مرة كانت طالعة مع امها للسوق وشافوا ناس يعرفونهم وكان معهم شاب كان يناظر لها ويوم رجعت للبيت وانه مراسلها واتس طيب كيف عرف رقمها وأنها أبلغت أخيها الأكبر بالموضوع كانت ترسلي صورها سناب الان امتنعت تماما علما انهم قرابة وأبوها شيخ وحكيم وهو مربيها على يده وش اسوي ماني عارف اتعامل العرس قريب