مشكلات عائلية وزوجية .. تجعلني أفكر في السفر !

 
  • المستشير : ريم
  • الرقم : 4853
  • المستشار : أ. منير بن فرحان الصالح
  • القسم : استشارات فقه الأسرة
  • عدد الزيارات : 9216

السؤال

السلام عليكم .. مشكلتي قديمه وما أدري أبدأ من فين ومنين بس بحاول احكيها لأني محتاجه مشورتكم بعد الله عزوجل .. أنا فتاه تربيت بين عشر أخوات وابن واحد عيلتنا ، كبرنا ولله الحمد الكل تزوج أولاد وبنات ما بقي غير بنت وحده وبالثانوي ، راح أسلط الضؤء علي ، لما تزوجت كنت بعمر 20 عام أول سنه جامعيه ، توفي والدي قبل سنه من زواجي وعشنا كلنا عند اخويا قبل زواج خواتي (كان عددنا 7 ومع امي وجدتي ) ولك ان تتخيل كونا جميعا بغرفه واحده ، وكنا دايم مشاكل مع زوجه اخي ، وأخي مرّة معنا ومره معها . المهم تزوجت بعد سنه من سكننا معهم وتوقعت إني راح أخرج من الجحيم للجنه ولكن انصدمت بما هوا أمرّ وأدهى ، تزوجت من رجل يبلغ من العمر 27 عاما فصل من وظيفته بعد أشهر من زواجنا ، وذلك لأن اخي طلب الوظيفه كشرط لزواج، وبدأت اعاني معه ، نص البيت ما كان فيه أثاث وكنت أعيش بشقه جنب أهله ، حاولت افتح صفحه جديده بدأت أزورهم وأروح وأجي عليهم ولكن كانو لا يحببونني . كنت لما اروح لهم كلهم يعملو روحهم نايمين وإذا رجعت بيتي يصحون وينادون اخوهم من عندي ويروح بيتهم ويسهر معهم وأنا وحدي ، حتى زوجي ما كان كويس اغلب وقته برا البيت لأن ما عنده وظيفه ، وإذا طلبت مصروف قال ما عندي ، وإذا قلت بطلع على حسابي وعازمتك يقول معندي سياره ويتعذر ، تعبت تعبت ، وكانت كل يوم المشاكل تكبر وصار يوديني بيت أهلي وبعد أسبوع يرجعني ، ومن هالحال لين تغير الوضع وصار يمد يده . أنا خلاص وقتها صار لزواجنا أربع سنين كرهته ، وكنت حاسه إنه يخونني بس ما مسكت عليه شي ، بس أنا عارفه ومتأكدة لأني زوجته وحاسه فيه ، وقتها كرهته اكثر وقررت بيني وبين نفسي أطلب الطلاق ، وفعلاً اخر مشكله كلمت اخويا وقلت له ابغئ اغير جو عندكم بالأول عصّب بس تحملت كلامه وقلت ابغئ اجي ، وجا واخدني وروحت بيتنا ووريتهم اثار الضرب وقلت لو تقطعوني قطعه قطعه ما رجعت وجلست فوق سنه يحاولو فيا ، وأنا رافضه وهوا كمان قال انه توظف بس ارجعي بس أنا خلاص مقدرت اعطيه فرصه ثانيه ، اربع سنين صبرت عليه ولا تغير الحين قرر يتغير ? قراره كان متاخر !! وفعلاً راجعنا المحاكم وكم شهر وتطلقت ، توقعت عذابي خلص ، لكن مازال مستمر ، مازلنا أنا وثنتين من خواتي عايشين مع اخويا وزوجته هما لهم البيت وعيالهم وحنا غرفه وقاطين معهم بكل المصاريف ، مرا تخاصمت مع اختي و كلمت اخويا ليا وتخاصمت معاه ،بعدين قال معك دقيقه وتطلعي من بيتي ، طنشت كلامه وبعد فتره اخذنا لنا بيت وسكنا انا واختي الصغيره والكبيره اللي تخاصمت معها تزوجت ، الان صارو كلهم الثنتين يعاروني مطلقه ، مع العلم اني توظفت وصرت معلمه ونص الراتب لهم ، وفوق ذا يعايروني ، وبالعكـس اذا فتحو موضوع طلاقي يقولو الغلط مني ، تخيل اهلي وشايفيني كيدا ، المهم انا حاليا جاتني بعثه واخويا اللي طردني يقول نروح سوا ونكمل ماجستير انا وانتي البعثه لي وهوا محرم ، اخواتي رافضين كلهم يقولو الناس وش بيقولو عنا ، مع العلم انها بعثه ، انا الان محتاره مدري وش اسوي، ودي اسافر ودي اطلع من السعوديه ، بس خايفه ادخل بمشكله اكبر ، مع العلم انو راح يسافر بزوجته وعياله يقول ما يبغى يرجع السعوديه ، ونا كمان ودي أسافر وأغير جو ومنها افتك من كلمه مطلقه ، وماتدري يمكن ارتبط هناك وينتهي عذابي ، ولو م ارتبطت برجع السعوديه بشهاده ، وبإذن الله انا قادره احافظ علئ نفسي ، وشرايك يا استاذي الفاضل ?

10-12-2015

الإجابة

 
 وعليكم السلام ورحمة الله وبركاته ..
 وأسأل الله العظيم أن يختار لك خيرا ويكتب لك خيرا ..
 
 أخيّة ..
 المشكلات لا تنتهي سواء في السعودية أو في خارجها .. لأنها من طبيعةالحياة .
 لكننا لن نستطيع  أن نستمتع بحياتنا ما دمنا ندير مشكلاتنا بطريقة واحدة أو أننا لا نتعلم مهارات إدارة المشكلة أو لا نتعلم من التجارب السابقة .
 
 لنتعايش مع المشكلات نحتاج أن يكون عندناالقدرة على التنازل والتغاضي ..
 القدرة على احتوء الظروف  والشخاص من حولنا بالكلمة الطيبة  وأن نستمتع بما نقوم به ما دمنا نعتقد أنه تصرف صحيح .
 
 أخيّة ..
 إذا كان رغبتك في السّفر لمجرّد السفر .. فأعتقد أن هذه الرغبة مؤقتة وتنتهي لذتها بانتهاء السفر ..
 وإذا كانت رغبتك للدراسة والمعرفة وتطوير ذاتك فهذا ما يزيدك خبرة في الحياة ..
 وما دام أن ( أخوك ) سيكون معك فأعتقد أن المر ميسوراً لك حتى ولو كان معه زوجته وأولاده .
 رفض أخواتك ما لم يكن له تبرير حقيقي وواضح فأعتقد انه رفض غير منطقي .
 
 قرار سفرك من عدمه هو قرارك مع ولي أمرك ..
 يبقى فقط ان تعرفي أن المشكلات تحتاج منّا إلى جهد على أنفسنا وان لا ننتظر الظروف لتكون أفضل !
 
 والله يرعاك ؛ ؛ ؛ 

10-12-2015

استشارات اخرى ضمن استشارات فقه الأسرة


 

دورات واعي الأسرية


 
 

إستطلاع الرأي المخصص لهذا اليوم!


هل ترى أهمية لحضور دورات عن العلاقة الخاصة بين الزوجين :

    
    
    
    
 

ناصح بلغة الأرقام


4008

الإستشارات

876

المقالات

35

المكتبة المرئية

24

المكتبة الصوتية

78

مكتبة الكتب

13

مكتبة الدورات

444

معرض الصور

84

الأخبار

 

إنضم إلى ناصح على شبكات التواصل الإجتماعي


 

حمل تطبيق ناصح على الهواتف الذكية


 

إنضم إلى قائمة ناصح البريدية


ليصلك جديدنا من فضلك أكتب بريدك الإلكتروني