خطيبي يتجاهلني !!

 
  • المستشير : عهو
  • الرقم : 4535
  • المستشار : أ. منير بن فرحان الصالح
  • القسم : استشارات فقه الأسرة
  • عدد الزيارات : 11699

السؤال

السلام عليكم انا عندي مشكله وابي رايكم ما سجلت بالمنتدى الا وانا احترت وش اسوي انا تملكت من ٩شهور وزواجنا ماجل لفتره رغبه مني ومن خطيبي لحد ما اخلص دراستي وخطيبي ماشاء الله انسان كويس ويحبني ويهتم فيني وانا برضو ابادله نفس الاهتمام وهو الولد الكبير طبعا ماكان شايل مسوليه اهله ابد عندهم سواق وابوه موجود ولا عندهم ولد ثاني ابوه سافر وسواقهم هرب وصار اهو شايل مسوليه بيتهم ويودي ويجيب وبرضو انتقل لمقر ثاني بدوامه وصار بعيد شوي ومع هذا كان معي وكان يشكي لي انه متصايق من ضغط المسوليات اللي عليه ومن دامه اللي صار بعيد ومرره كرف ومن الصبح ل٥ ونص او٦ وبعد فتره رجع ابوه ولكنن السواق برضو ماعندهم صح كان يكلمني بس قل شوي اهتمامه ومنت اقوله انت تغيرت وقالي شوفي وضعي وقددريني للامانه كان يكلمني ونصه نوم وبعض الاحيان ينام بالسماعه المهم رجع ابوه من السفر وجاء يوم وطاح ابو صاحبه عليهم بالمستشفى وصاحبه هذا مثل اخوه وجلس معاه بالمشتشفى واليوم اللي بعده جاء عج وتعب ابوه ودخل المستشفى ووجلس ٣ ايام ماكلمني واكلمه ماييرد واكلمه واتس يقرا ويسفهني انهبلت وش فييه ولا يرد وبرضو طالع لي متصل ولا يرد بعدها بيومين من الاتصالات ارسلت له وش فيك ليش تسوي معي كذا ماغلطت عليك لو في قلبك شي لي رد قلي وش فيك ارسل ما سويتي لي شي وابكلمك اليوم يوم كلمني قالي انا تعبان نفسيا عادي اجيك واجلس معاك شوي اي يوم تقدرين وتقولين لاهلك قلت خلاص بكرا قال لا مواعد صاحبي من اسبوعين بسفره ومان برضو قايل لي عنها المهم قالي اني انا اضايقك كثير صح ؟ قلت ايه اذا اشوف منك شي وهالشي اختفى وقل يضايقني قال اللي ابيك تدرين عنه اني احبك صدق ويضايقني لما اشوفك متضايقه وزعلانه علي بس يا انك تقدرين وضعي او .... وسكت قلت وش او وش تبي مني قام وغير السالفه وجلس اسبوع برضو ماكلمني ولما اكلمه كلمه ورد غطاها رحت الله يهديني وقلت له وش فيك انتي متفير مو طبيعي يلان احس فيه شي وبرضو يقرا ويسفهني بعد كم يوم كلمني قالي اني ابي نتطلق وانا ترا لما قلت احبك قلتها وانا صادق بس انتي انسانه تستاهلين اللي احسن مني اللي يستاهلك ويهتم فيك انا انسان حمار ما انفع لاي علاقه ماابي اظلمك معاي ولا قادر اهتم واكون لك مثل اول وجلست اصيح واتقوله لا كل شي بيعدي هي فتره وبترتاح بعدين وانا مقدره وضعك ومستعده انك ماتكلمني الا بالاسبوع مره الاني حبيته فوق الحب وتعلقت فيه مره وبنيت امال معاه جلست ابكي من قلب وقلت لا انا حبيتك وانت تحبني ليش كذا انا بتحمل وضعك وقالي انتي تشوفيني اول كيف اقاوم النوم عشانك عشان ماتزعلين وتحسسيني اني مقصر انتي تعاتبين وتقولين انت مقصر وهالشي يضايقني وبعدها قالي رخلاص انا معاك بس اهتمي بدراستك عشاني وسكرت قلت بخليه لين يرتاح بعدها ب٥ ايام صبحت عليه وقلت له احبك رد صباح الورد قلت ماتحبني قال الا احبك وبس دق علي الليل ولما جيت برد قطع الخط دقيت ومقفل دقيت ثاني مرا قلت يمكن شبكه ومقفل شوي القاه بعد٥ دقايق اون لاين بالواتس وبعدها بيوم شفته بسناب شات ارسل انو مسافر عند خواله بالشرقيه كتبت له توصل بالسلامه كتب رد ومسحهه وسفهني جلس مساففر كل ويكند لمده٣ اسابيع ورا بعض ولا عاد كلمني انقهرت لما اشوف سنابه وجاء يوم كنت معصبه ومقهوره واسمع حكي من صاحبتي مايبيك يصرفك اتركيه اصبري كم يوم بيرسل ورقتك تاثرت رحت اتصل ولقيته مشغول وطول مشغول وارسلت واتس ولا وصل قالت صاحبتي شكله عامل لك بلوك ورحت كتبت له حكيي بسناب طويل وانو ليش تسوي بلوك انا مو عدوتك ليش علقتني فيك وتبي تروح وكلام كثير جاني بالواتس قال ايش سالفه البلوك قلت ابي اكلممك وسفهني ودقيت وسفهني وبس هذا اخر شي والحين من صارت المشكله لي شهر اعترف اني كنت نكديه واعاتبب كثييييير وبرضو صاحبتي قالت احذفيه من سناب عشان ماتشوفين سناباته وتنقهرين وبرضو شوفيه مسافر وعايش حياته احذفيه قبل يحذفك ورحت حذفته وحسبت نفسي تسرع وكلما اقوله كلام كثير واعاتبه يسكت احس فيه شي مو اهله بس السبب احسه يتجاهلني نفسه لان يحاول يرد ويكتب بعدين يمسح بعض الاحيان اقول دامه مايبني ليش ماسوى لي بلوك وحذفني من اي برنامج معاه ليش مبقيني حتى شفت ولد اخته بالصدفه صغير بسوق وانا ماعمري شفت الا صوره وارسلت له قبل يومين الصوره قلت شوف الصدف وضحك وقال الدنيا صغيره يعني رد علي بعد اسبوع ارسلت له رساله حب على الواتس اب ورد علي باسلوب كويس وكانو اهله مسافرين وهو وحيد فطلب انو يشوفني وجاء بالبيت وتكلمنا وتفاهمنا قالي انو الوضع راح يتعدل لكن متى ما ادري اللي قالي انو ابوه بصحه كويسه ودوامه الان مستقر وكل شي تمام لكن ينقص السواق وكنت مرتاحه بعد هالمقابله وبعدها بيومين ارسلت له على الواتس اب مجرد اسلم عليه واسال عن حاله فقالي انو طالع لصاحبه لما يرجع راح يكلمني وللاسف جلس اسبوع كامل ماكلمني رجعت بعد اسبوع ارسلت له اشتقت اسمع صوتك ما ابي اضغط عليك لكن لما تفضى اذكرني فرد علي انو انا برضو مشتاق وراح اكلمك وكلمني ١٠ دقايق والحين كمل اسبوع ونص مااتصل او ارسل شي وانا افكر ما ارسل ولا اتصل لكن انا مو فاهمه تصرفاته معاي وكيف تغير بيوم وليله وانا متاكده حاليا ضروفه تعدلت لكن متجاهلني موضوع الزواج بعيد شوي بحكم دراستي وان هو من منطقه وانا من منطقه لكن تصرفاته توترني وتخليني افكر افكار غريبه مثلا افكر بان هو يفكر ننفصل بس انا اللي ضغط عليه يجلس معاي او ممكن يكون مازال يبحث عن زوجه مناسبه وانا مجرد في قائمه الانتظار او ممكن يكون تأديب لتصرفاتي! مع العلم اني اكتشفت من فتره بعيده انو كان على علاقه سابقة مع وحده دامت ٦ سنوات وانخذل بخيانتها ولكن مازال يحن ويعاتبها بتغريداته افي تويتر وكانت موجهه لها وبشكل صريح وانا ماصارحته بهالشي واني اعرف لان لكل شخص نزواته ولا يمكن اعاتبه على ماضي

07-04-2015

الإجابة

 
 وعليكم السلام ورحمة الله وبركاته ..
 وأسأل الله العظيم أن يختار لك خيرا ..
 
  ياابنتي ..
 لا يمكن ان تجد الفتاة شاباً يكون  مفصّلاً عليها بالتفصيل ، وكذلك الشاب لن يجد فتاة تكون مفصّلة عليه بالمقاس ..
 كل طرف له طبائع وطريقة في التفكير والاهتمامات تختلف عن الطرف الآخر .
 لذلك لا تحاكمي تصرفاته إلى طريقتك أنت في الاهتمام والتفكير ..
 فماتعتبرينه أنت مهمّاً قد لا يكون  عنده مهم !
 وما تعتبرينه أنت ذوقاً هو قد لا يُلقي له بالاً ..
 
 لذلك اهتمي  بطريقة اختيارك لشريك حياتك ..
 المواصفات العامة والأساسيّة والمهم توفرها في شريك الحياة .. ما الذي يهمّك في شريك حياتك ..
 الأشياء التي تهمّك هل تجدينها في من تقدّم لخطبتك أم لا !
 إذن كل ما عليك هو  أن تراجعي نفسك في  طريقة اختيارك ، وعلى أي أساس كان الاختيار .
 
الحقيقة لا يملك تفسير تصرفاته إلاّ هو !
 تصارحي معه ، وافهمي منه لماذا هو يفعل هذا ؟!
 وهل هو مقتنع بالارتباط بك ..
 إن كان مقتنعا بالارتباط بك وانتِ تجدين في نفسك قناعة  به حتى مع ما ظهر لك منه ، فاطلبي منه أن يعجّل بالزواج .
 طول فترة الملكة  ، قد تورث الملل ، وتفتح مجال لكثرة الاختلاف  والهواجيس .
 لذلك لا يُنصح بطول فترة الملكة ..
 فترة الملكة تعتبر محطة من محطّات تأكيد القرار أو تصحيح القرار ..
 إمّأ أن تؤكّدي قرارك بالاستمرار في العلاقة معه ، أو تصححي قرارك في قطع العلاقة على ضوء اسباب حقيقية .
 
 أنصحك أن تتصارحي معه وبهدوء
 وأنصحك ايضا أن تعجّلاً بالزواج ما دام هناك قبول بينكما ..
 
 والله يرعاك ؛ ؛ ؛ 

07-04-2015

استشارات اخرى ضمن استشارات فقه الأسرة


 

دورات واعي الأسرية


 
 

إستطلاع الرأي المخصص لهذا اليوم!


هل ترى أهمية لحضور دورات عن العلاقة الخاصة بين الزوجين :

    
    
    
    
 

ناصح بلغة الأرقام


4008

الإستشارات

876

المقالات

35

المكتبة المرئية

24

المكتبة الصوتية

78

مكتبة الكتب

13

مكتبة الدورات

444

معرض الصور

84

الأخبار

 

إنضم إلى ناصح على شبكات التواصل الإجتماعي


 

حمل تطبيق ناصح على الهواتف الذكية


 

إنضم إلى قائمة ناصح البريدية


ليصلك جديدنا من فضلك أكتب بريدك الإلكتروني