السلام عليكم ورحمة الله وبركاته انا البنت الكبيرة في عائلتي ، أحس إن أمي وأبي يبوني أصير مثالية ولا خطأ عندي ، وإني حافظة كل دروس الحياة عشان إذا كبرت وتزوجت ! والأمر هذا مضايقني ، أحس الواحد لازم يعيش حياته مب ينسخ تجارب الآخرين ، وكل واحد له حياته الخاصة اللي يمكن تكون حياتي حلوه وما أمر بها التجارب السيئة كلها عشان كل موقف اكون عارفة شنو اتصرف فيه ! الواحد يتصرف على طبيعته ، وهالشي مضايقهم مني ! وفي شغلة ثانية بعد اهم يشوفونها مشكلة بس انا ما احسها كذا : أني صريحة جدا مع الناس القريبين مني يعني إذا كان عندهم تصرف مايعجبني اقول لهم في وجههم وإذا شروا شيء ماعجبني برضوا اقول لهم ، أهلي يبوني أجامل ، ما أقدر مو من طبعي ، أحس إنّي أكذب ليش أقول غير اللي داخلي ، هذي الشغلة حيل زاعجتني ودائما امي تقول لي انتي تغيرتي للأسوأ ولامرة قالت لي انتي تغيرت للاحسن!! دائما تدقق على كل شي اسويه وعندي وحدة من العائلة معروفة بأسلوبها الخطأ في التعامل وحساسيتها الزايدة وعندها مشاكل كثيرة مع عائلتها دائما تشبهني فيها وتقول لي انتي نفسها بالضبط وانتي أنانيّة وجافة وقاسية ومب حنونة مع اني احس اني غير كذا تماما ! يعني لازم كل شخص أحبه إذا شفته اقوله احبك ماله داعي كل كلمة حبيبتي حياتي مع ان امي فحياتها ماقالت لنا هالكلام إلاّ واحنا اطفال رضع يعني ولا مرة جات وحضنتني ، دائما تقول لي انتي ليش ماتجين لي ولا تحضنيني وليش ماتكونين صديقتي ؟! أحس اهي المفروض تكون صديقتي مب انا اكون صديقتها واذا ماعجبها تصرف من تصرفاتي تقوله قدام البيت كله جنب اخواني وخواتي وابوي ماله داعي شي مايعجبك فيني قوليه بيني وبينك ، وتقول لي انا يئست منك ولا احب اناقش معاك بس لأن اللي مايعجبني ولا الشئ اللي مب مقتنعة فيه اقول لها ماابيه تبيني كل شيء تقولة اسويه وانا مغمضة انا بعد عندي رأي وشخصية . شيء مب مقتنعة فيه ليش اسويه تقولي سويه حتى لو مااعجبك لأني انا ادرى بمصلحتك ومجربه الحياة وانا امك مب شرط كل اللي شافته امي في الحياه انا اشوفه واعيشه وتقول لي بعد من دخلتي الجامعة وانتي تغيرتي للاسوء 180 درجة ماتتخيلون ليش ؟ تقول صارت شخصيتك مستقلة بس استقلال خطأ لانك ماصرتي نفس قبل اللي اقولك تقولين انزين لا تناقشين انا اشوف الام اذا كبرت بنتها وصارت شخصيتها مستقلة ولها فكر خاص وتقدر تحدد شنو اللي تبيه وتسويه واللي مالازم تسويه تفرح مب تقول تغيرتي للاسوء وتبيني دائما اتنازل تقول لي اذا تزوجتي الحياة مب تمشي على كيفك ولازم تتنازلين هذا حقي مستحيل اتنازل عنه حتى لو تغاضيت عن الأشياء التافهة ، لكن مستحيل اصير مثلها وانا وحدة ماعندي هوايات نفس امي فدائما يقولون لي انتي شنو فايدتك في الحياة تعبت معاهم صايرة حساسة واي نقاش ادخل فيه اصيح مادري ليش بس صج احس اني مب قادرة اتحمل الحين اكتب وانا اصيح ! ما أحب احد يشوف دموعي لكن ماعدت أقدر أتحمل أمسكهم ، مب عارفة كيف أتصرف معاها ولا شنو اللي تبي احس انها محطمتني محتاجة لها وماقدر اتكلم معاها فكل اسراري اخليها في قلبي لان ماعندي احد قريب مني وهذا الشي متعبني ابيها مرة تجي تنصحني بعيد عن خواتي بس شكله مافي فايدة انا مابي ازعلها لانها امي وابي رضاها ولا قادرة اغير من نفسي لان احس نفسي صح ياليت تعطوني حل