أرغبه زوجا .. لكن عاداته الاجتماعية تقلقني

 

السؤال

أنا وشب بنحب بعض صارلنا 4 سنين .. الشب خلال هالفترة ما شفت منه إلاّ كل خير .. إنسان ملتزم بخاف الله في وعم يعمل كل شي بقدر عليه مشان ربنا يجمعنا ببيت واحد .. أولها : انه يتخرج ب 4 سنين لحدا يسبقني ويقدر يدبر شغل ويجهز اموره مع انه دراسته ( 5 ) سنين .. االله يسهل اموره يا رب . والتاني : انه كل عيلته بيعفوا عن موضوعنا وانه الشي جدي .. بس من قبل فتره قبل حوالي 3 شهور حبيت أخبّر حد من اهلي ونحطه بالصوره وخبرت اختي عن الموضوع .. على اساس لما تيجي ع الاردن نفتح الموضوع مع ماما ويكون عندها علم .. وماماعرفت بس للأسف كانت النتائج مو مبشره ماما رفضت الموضوع لأنه انا اردنيه وهو فلسطيني الأصل .. مع انه نحنا ناس مو عنصرين بالعكس لكن لأنه ماما شافت حواليها كتير ناس ونماذج وكانت تنتهي اخر شي بالفشل .. والارتباط مو سهل ونتائجه مو سهله خصوصا ع بنت .. وكمن لأنه شب لسا ببداية حياته وبيجيني كتير ناس وضعهم مرتاح اناعارفه انه مو المصاري مو كل شي .. بس دايما الأهل بحاولو يدوروا ع راحة بناتهم وبحاولو ما يعيشوهم الي عاشوه .. تاني مشكله وال هي اهم بالنسبه الي .. اكتشفت اشياءجديده همه طبيعتهم ناس متقاربين جدا من بعضهم يعني كل اخوانه ساكنين جنب بيت اهله مره بحكيله بدي بيت مستقل كبيير زي الي بحلم في بس ربنا يفتحها عليك ، بحكيلي انا ماببعد عم اهلي واخواني وتانيا الي بدك اياه ما اتوقع يصير لأنه ما مساحه جنب بيت اهلي ! ... ولو بدي ابني بمكان تاني رح اخد كل اخواني معي ! .. كانت هاي الصدمه ا?ولى .. الصدمه التانيه انه نسوان اخوانه بيشتغلو ببيت اهله كل اسبوع ع وحده ! تنضيف وطبخ وجلي بالإضافه لبيتها لأنه امه ما بتقدر ! وصحتها على قدها ! وكمان انه لازم يجتمعو الإخوان لو حد بده يعمل شي وكل واحد بعطي رايه ! لدرجة قبل يومين قرروا لأخوهم شو يجيب لخطيبته بالعيد ! غير هيك انا حكيتلك انه عرفني ع عيلته امه نسوان اخوانه اخواته .. فانه انا ع تواصل دائم مع وحده من نسوان اخوانه فبتحكيلي اشياء بتصدم ! يعني بتحكيلي عن زوجها انه ببدي . اهله عليها مصروف شهري لو بده يعطبها 25 دينار ! وبس تطلب صعب ما بعطيها لأنه بصرف على اهله واخوانه وعيلتهم ! بتحكيلي لدرجة انه طلبت منه يحطو ولادهم بمدرسه خاصه رفض تماما لأنه اخوانه ما بقدروا يحطو ولادهم بمدرسة خاصه ! مين فينا ما بحب يشوف ولاده احسن شي بالدنيا ! بتحكيلي انا مو قادره اغير وابدل لأنه اخوانه ما بقدروا ولو عملت شي ببيتي كلهم بصير بدهم نفس الشي بتحكيلي وانه تدخلي بينهم بتحكيلي بتطلعي انتي الخسرانه .. بس بتحكيلي بشكل عام تعاملهم منيح وحماتي منيحه انا كتير مستغربه نحنا مو هيك ابدا .. اهلي بحياتهمما حكو لحد من اخواني خليك او منعوه يعمل شي ومو مقصرين معنا ابدا .. الكنه عنا ماما بتعتبرها زي بنتها تماما وبس تجلي او تعمل شي بس تحكيلها تعبتي حالك وخلص ارتاحي لأنه ماما بتحكي انا بعتبرهم زي بناتي وما بقببل على بنتي يعاملوها دار حماها مو منيح . وانا خايفه جدا من هل وضع خايفه لأنه اختي عايشه هل وضع حاليا مش مرتاحه الدمعه ما بتنشف من عيونها .. انا بحبه كتير بحبه بس ما بدي ارتبط واعيش ع راي الناس مابدي اكون شغاله عند اهله .. انا مش قادره افتح معه هل موضوع ولا عارفه كيف ابلش ولا شو احكي وانا متاكده تماما انه لو اهلي كانو رح يوافقو رح يبطلو بس يعرفو كل هل اشيا هاي ! لأنهم شافو كيف اختي تعبت ولسا عم تتعب بدي حل وبدي نصحيتك حاليا هو بس يتخرج رح يطلع لببرا وهاد كله يمكن ما احس في بس اخر شي الواحد مرجوعه لهون .. الي بدايقني انه كتير قصص بناقشها معاه وبعرف انه صح بس بحكيلي ما بوعدك بشي يمكن ما اقدر اعمله ! همن الوضع الي همه في هلا لأنه ابوهم االله يرحمه كان اكبر شي وتعب ع اخوانه ودرسهم كلهم واخر شي بس يطلب منهم شي او حتى يجو يزوروا ما لقى حد جنبه وهاد كله بسبب كل واحد ومرته .. فهمه قرروا هيك يصيروا .. يعني لو نسوانهم ادبحو بين بعض اتقاتلو ما بدخلو والمهم علاقتهم الاخوان منيحه بين بعضض انا ما بدي ابعده عن اهله ولا اخده منهم بس في شي اسمه عقل ومنطق ... اسفه جدا اني طولت وحكيت كتير بس بدي انسان يفهمني ويعطيني حل

21-07-2015

الإجابة

 
 وعليكم السلام ورحمة الله وبركاته ..
 وأسأل الله العظيم أن كيتب لك خيرا ويختار لك خيرا ..
 
 ياابنتي ..
 الزواج مشروع العمر !
 الزاوج ليس ( علاقة حب ) .. 
 الزواج علاقة مليئة بالمسؤوليات .. لكنها مسؤولياتتنمّي الحب وتثبته إذا تعاملنا مع هذه المسؤوليات بروح الحب .
 
 لذلك ..
 من الخطأ أن نبني قرار الزواج على مجرد عواطف أو مشاعر  تجاه الطرف الآخر ..
 هناك معطيات ينبغي أن تكون واضحة للفتاة على أساسها  تختار شريك حياتها 
 وكذلك الشاب لابد أن يكون في باله معطيات واضحة يختار على أساسها شريكة حياته ..
 نعم .. الميل العاطفي هو أحد هذه المعطيات ..
 لكنه لا يكفي لصناعة القرار .
 
  يا ابنتي ..
 من عيوب التواصل بين الشاب والفتاة خارج إطار الزوجية أنه يولّد نوعا من الضغط العاطفي سواء عند الشاب أو عند الفتاة - وعند الفتاة أكثر - .
 هذا الضغط بالطبع سيكون له انعكاسه في صناعة القرار .
 
 ومع ذلك .. أقول لك : 
 أن هذا الشاب كان واضحاً معك في وصف حياته الاجتماعية لك .
 مهمّـتك ليس هي : أن تغيّريه ، أو أن تتوقعي منه أن يكون شيئا آخر  ..
 المهمّة هي : أن تنظري لنفسك ووضعك هل يمكنك التعايش مع وضعه الاجتماعي كما وصفه لك هو أم لا ؟!
 لاحظي أقول لك : التعايش  مع وضعه كما وصف لك .. وليس التعايش معه على أمل أن يتغيّر !
 قرارك ينبغي أن تبنيه على هذاالوضوح ..
 وحتى الوعود لا تبني عليها قرارك ..
 مهما كانت وعوده لك .. فالقرار يبنى على الواقع لا على الوعود .
 بغضّ النظر : هل حياته الاجتماعية بهذه الصورة ( منطقية أو غير منطقيّة ) هذه ليست مهمّتك  أن تقيمي  حياتهم الاجتماعيّة ..
 ومن الخطأ أن تقارني بين حياتك الاجتماعية وحياته الاجتماعية !
 ولا يعني أن حياتك الاجتماعية أفضل ولا أن حياته الاجتماعية أفضل ..
 فكل أسرة أو عائلة نشأت وتربّـ على ثقافة معيّنة .. وتعايشت مع هذه الثقافة ووجدت استقرارها بهذاالتعايش ..
 فالمسألة ليست مسألة .. هم على خطأ أو طريقتهم خاطئة !
 المسألة مسألة : هل يناسبك أنت أن تعيشي في بيئة بمثل هذه الصورة التي وصفها لك هذا الشاب ؟!
 إذا كان مناسباً لك .. 
 فابحثي إذن عن بقية المعطيات التي تدعوك للارتباط به كأخلاقه وتديّنه ، وبُعده عن المنكرات الظاهرة كالمخدرات والخمور ونحوها .
 
 تكلّمي مع أهلك بووضوح في الموضوع وبكل التفاصيل التي عرفتهيا عنهم ..
 لا تقولي أهلي سوف يرفضون إن أخبرتهم .. لأنه ربما ( واقول ربما ) أن الرفض هو القرار الصحيح ..
 المقصود لا تحرمي نفسك من مشورة أهلك ومعرفة رأيهم ..
 وناقشيهم ليس لتقنعيهم ..
 وإنما ناقشيهم  لتتعملي وتفهمي منهم أكثر ما يساعدك على أن تبدئي حياتك  بصورة جيدة .
 
 أكثري لنفسك من الدّعاء 
 مع الاستغفار ..
 
 والله يرعاك ؛ ؛ ؛ 

21-07-2015

استشارات اخرى ضمن استشارات التربية الأسرية


 

دورات واعي الأسرية


 
 

إستطلاع الرأي المخصص لهذا اليوم!


هل ترى أهمية لحضور دورات عن العلاقة الخاصة بين الزوجين :

    
    
    
    
 

ناصح بلغة الأرقام


4009

الإستشارات

876

المقالات

35

المكتبة المرئية

24

المكتبة الصوتية

78

مكتبة الكتب

13

مكتبة الدورات

444

معرض الصور

84

الأخبار

 

إنضم إلى ناصح على شبكات التواصل الإجتماعي


 

حمل تطبيق ناصح على الهواتف الذكية


 

إنضم إلى قائمة ناصح البريدية


ليصلك جديدنا من فضلك أكتب بريدك الإلكتروني