انفصلت عن زوجي وارغب الرجوع له ..وأهلي يرفضون !

 

السؤال

عندي استشاره بخصوص طلاقي و طليقي انفصلت عن زوجي منذ شهرين تقريبا لاني اكتشفت ان لديه علاقه مع زميلته في العمل كنت دايما انبهه ان ممكن اسامحه على كل شي الا الخيانه بعد ما شفت الرسايل اللي ينهم جنيت وانتظرته يرجع من الصلاه و تنازعت معاه و بعدها رحت لامه بحكم اني ساكنه معاهم و حكيت لها وقلت لها مثل مادخلنا بالمعروف نطلع بالمعروف لحقني لعند اهله و حاول يكلمني لكني رفضت نهائيا واتصلت على اهلي وخذوني بس قلت لهم مجرد زياره بعدها ارسل لي رساله انتي طالق والبنات تارسات الدنيا وان هو مل من تفتيشي الدائم خلفه . اخبرت اهلي طلعا واخبرتهم بان اكثر من مره حاول ايمد ايده علي و قلت لهم كل شي سلبي فيه علشان ايايدون موقفي وان اتطلق وارتاح اتصل عليه اخوي وساله عن علاقته مع زميلته بالعمل وقال مابينهم شي وان هو سبق شافني اكلم شخص بتويتر وستر علي هذا الكلام خلى اخوي يغضب منه وقاله نحن انعرف تربيتنا و مب انت اللي بتستر على بنتنا واذا فعلا انت شفت عليها سوء نحن كنا بناخذ حقك واعتبرها طعن فعرضي و اصر اخوي عليه انه يروح المحكمه علشان يثبت الطلاق وفاليوم اللي اتفقوا عليه حاول اخوي يتصل فيه لكنه اغلق اجهزته فراحوا له مقر عمله اثنين من اخواني وحصلت بينهم مشاده كلاميه وهو رفض يروح المحكمه وقال انه يبغيني ارجع له بس اخواني رفضوا . بعدها كلمني بالرسايل وقال لي انه ندمان على تطليقه لي وحاب اني ارجع له فالبدايه رفضت بشده بسبب خيانته لي وحلف ان علاقته معاها ما اتعدت المسجات وانها مطلقه وتحاول اتجره نحوها صار لها فتره وانا لاحظة هذا الشي سابقا ونبهته بس كان ايقول ان يتهيا لي طلبت منه انه يعتذر لاخواني رفض لانهم اهانوه فقلت له اذا ما اعتذرت ما ارجع فارسل لي انه ادى اللي عليه ورايح المحكمه يوم الاحد يثبت الطلقه . بعدها رجع مره ثانيه وحاول اني ارجع له ويوم كنت ارفض كان يستخدم اساليب متنوعه فتعبيره عن غضبه وغالبا اني مطلقه ومحد بيشوفني بعدها حن قلبي عليه وصرت اكلمه احسن من السابق وبعد فتره طلب مني ارجع ووعدني انه اينفذ كل طلباتي وفالمقابل اكون زوجه صالحه له طلبت منه ايكلم اخوي لان بحسبة الوالد الله يرحمه رفض قلت له كلم امي و وافق و جاء البيت بس اني رفضت اتقابله قال لي انه سوا اللي عليه وان اهلي هم السبب فعدم رجعتنا وقلت له اني ما اقدر اسوي شي وخلاص اللي بينا انتهى . بعدها بيومين قررت ارسل له اني ابيه ومستعده اكلم اهلي بنفسي واحاول اقنعهم رحب بالفكره وقال ان بيتي يترياني باي وقت حابه ارجع له كلمت اهلي كلهم رفضوا الفكره بحكم انه ارسل لي رساله بالطلاق بدون ما يرجع لهم وان طعن بعرضي باني كلمت شخص بتويتر وهذا الشخص انا اعترفت اني كلمته بس كان مجرد زميل عمل سابق القى التحيه و غيره . مازالوا رافضين الفكره ويقولون اذا رجعتي له نحن ما عندنا مانع بس لا تلجئين لنا باي مشكله فالمستقبل قلت له ايكلم اخوي ويحاول معاهان يطيب الخواطر رفض لان حاول سابقا واخوي ما عطاه مجال . هو ايقول ان اهلي مركزين على سلبياته ونسوا حسناته قلت له معاهم حق انت طعنت فعرضهم قال انتي عرضي كيف اطعنه انا حاولت لفهمهم ان هذي ما تعتبر خيانه وان كل شخص معرض للخطأ بحديثه مع الجنس الاخر حاليا انا حابه ارجع له ونحن ما بينا ابناء صار لنا متزوجين سنتين صح انه فيه عيوب بس فالنهايه كان محافظ على صلاته ويحاول يرضيني بكل الطرق . قال لي معاج مهله اتحددين فيها موقفج اذا حابه ترجعين فانا احبج و على العشره واذا اهلج رافضين مابي اتصير بينكم مشاكل وانا فدرب وانتي فدرب و برتبط بوحده ثانيه قلت له ان هم ايقولون انك لازم اتكلم اخوي رفض بعد مره للي ذكرته سابقا حاليا انا مب عارفه كيف ارجع له ولا عارفه كيف ارضي اهلي لانهم مستحيل يوافقون اني ارجع له اذا اماكلم اخوي وهذا الشي هو قال لي ان مستحيل يسويه حابه ارجع له وافتح صفحه يديده فالنهايه كانت عشرتي معاه حسنه بس الشيطان كان شاطر واهلي رافضين وانا احترت بين الطرفين

07-04-2013

الإجابة

وعليكم السلام ورحمة الله وبركاته ..
وأسأل الله العظيم أن يجمع بينكما على خير ، ويصرف عنكما السوء وأهله .
 
 أخيّة ..
مواقف الحياة تعلّمنا دروساً – لكن ليست بالمجّان - .. إنما لها ثمن .. وفي بعض الأحيان قد يكون الثمن باهظا ً! 
أكثر ما يعقّد المشكلات الزوجيّة .. خروج المشكلة من حدود بيت الزوجيّة إلى خارج الأسوار !
المشكلة كانت بداية بين طرفين ( زوج وزوجة ) فلمّا خرجت أصبحت المشكلة بين أكثر من طرف .. وكل طرف بحاجة إلى حل يرضيه !
لذلك تعلّمي هذا الدرس لمستقبل حياتك .
 
الدرس الثاني : أن الزوج أكره ما يكون عليه في تعامل زوجته معه أن تعامله بالمحاصرة والتفتيش والتنقيب .
هذا الأمر يثير في الرجل العناد ، ويعطي له مبرر إلى أن يستمر في الطريق الخطأ .
ولذلك لاحظي أن زوجك يقول ( تعبت وانت تفتشين من وراي ) !
التفتيش لا يحل أي مشكلة .
الحل في الثقة ..
ومحاولة  بناء الحب وتنميته ، واحتواء الزوج بطريقة لبقة .. بحيث أنه مع الأيام يجد أنه ليس بحاجة إلى أن يتكلم مع فلانة أو فلانة .
 
الدرس الثالث : أن تتفهمي طبيعة الخطأ في إطار الواقع .
 زوجك يعمل في بيئة مختلطة .. والإنسان بطبعه ضعيف خاصة عند النساء .. فهناك ضعف بشري وهناك واقع بيئي  غير صحّي في أن يكون عونا للإنسان من الانزلاق .
هنا الزوج بحاجة إلى المساندة الروحية والعاطفية والغريزية لا إلى الإدانة والفضيحة .
كان يمكن مصارحة الزوج بهدوء .. ولاحظتِ أن زوجك يعتذر ويشعر بخطئه .. مما يعني أن شخصيته سهلة في الاحتواء والتأثير عليه ، وبناء الروح الإيمانية عنده بشكل أفضل طالما أنه من المصلّين فهذا يعني أنه اقرب للتحسّن والتغيير .
 
النصيحة لك أخيّة ..
أنت تتكلمي مع إخوانك واهلك بوضوح ، ورغبتك في الرجوع إلى زوجك .. وأن هذا هو  أمر ( الشرع ) . ما دمتِ في ذمته وقد راجعك فإن الشرع يأمر  بأن لا يعضل الأولياء ابنتهم عن زوجها . قال تعالى : (وَإِذَا طَلَّقْتُمُ النِّسَاء فَبَلَغْنَ أَجَلَهُنَّ فَلاَ تَعْضُلُوهُنَّ أَن يَنكِحْنَ أَزْوَاجَهُنَّ إِذَا تَرَاضَوْاْ بَيْنَهُم بِالْمَعْرُوفِ ذَلِكَ يُوعَظُ بِهِ مَن كَانَ مِنكُمْ يُؤْمِنُ بِاللّهِ وَالْيَوْمِ الآخِرِ ذَلِكُمْ أَزْكَى لَكُمْ وَأَطْهَرُ وَاللّهُ يَعْلَمُ وَأَنتُمْ لاَ تَعْلَمُونَ ) 
لاحظي أن الله يقول ( ذلك خير لكم واطهر ) .. أفهمي إخوانك هذه الآية القرآنية ، وافهميهم أن زوجك يعتذر لهم لكن يمنعه الحياء وربما كبرياء الرجولة التي يشعر بها كل أحد منكم في مثل هذا الموقف .
 
 والله يرعاك ؛ ؛ ؛ 
 

07-04-2013

استشارات اخرى ضمن استشارات التربية الأسرية


 

دورات واعي الأسرية


 
 

إستطلاع الرأي المخصص لهذا اليوم!


هل ترى أهمية لحضور دورات عن العلاقة الخاصة بين الزوجين :

    
    
    
    
 

ناصح بلغة الأرقام


4009

الإستشارات

876

المقالات

35

المكتبة المرئية

24

المكتبة الصوتية

78

مكتبة الكتب

13

مكتبة الدورات

444

معرض الصور

84

الأخبار

 

إنضم إلى ناصح على شبكات التواصل الإجتماعي


 

حمل تطبيق ناصح على الهواتف الذكية


 

إنضم إلى قائمة ناصح البريدية


ليصلك جديدنا من فضلك أكتب بريدك الإلكتروني